بلوچستان نا جتا علاقہ و پاکستان نا بھلا شار اسلام آباد آن اسہ چُنک سن ءُ خوانندہ ئسیتون اوار مُسہ بندغ آتے زوراکی ئٹ بیگواہ کننگانے۔
رسینگوک حوال تا رِد ئٹ ضلع پَنجگُور نا ہند پروم نا ہندی 35 سالی آ رحمدل بلوچ ولد محمد صالح ءِ 24 اکتوبر 2026 ئنا ویگ ئنا 04:30 بجہ آ ایف سی کیمپ ، پروم آن ایف سی و ایم آئی نا کارندہ غاک دزگیر کننگ آن گُڈ نادرست ءُ جہہ ئسے آ درینو ۔ رحمدل اسہ دکان دار ئس ءِ۔
ایلو نیمہ غا کوئٹہ نا ہند ایئرپورٹ روڈ ، کلی عالم خان نا ہندی 23 سالی آ خوانندہ حزب اللہ لانگو ولد عبدالغفور لانگو ءِ 12 جولائی 2026 ئنا ویگ ئنا 03:30 بجہ آ ایئرپورٹ روڈ آن سی ٹی ڈی نا کارندہ غاک دزگیر کرینو ۔
ہندا وڑ 15 سالی آ خوانندہ وقاص بلوچ ولد احسان اللہ ہرا ڈیرہ غازی خان نا ہندی ئس ءِ، ءِ 30 اکتوبر 2026 آ سوب ئنا 11:00 بجہ غا اسلام آباد نا سینٹورس مال آن سی ٹی ڈی نا کارندہ غاک دزگیر کرسہ نادرست ءُ جہہ ئسے آ درینو ۔
