کیچ ئنا ہند سامی نا ہندی اکرام ولد سلیم زوراکی ئٹ بیگواہ کننگانے، خاہوت اونا آجوئی نا خواست کرسا پارینے کہ اکرام اسہ پُر ایمن ءُ ورناسے و او حجام نا دکان ئسے آ کاریم ئٹی مسونے ہرادے لاری ٹی سوار انگا سلہہ بند بندغ آک 23 ستمبر 2026 آ دزگیر کرسا بیگواہ کرینو۔
خاہوت نا رد ئٹ اکرام حجام نا دکان ئسے آ کاریم کرسا تینا خاہوتءِ ولیفنگ ئٹی مسونے۔ او ہچ وڑ ئنا غیر قانونی کاریم تیٹی اوار متنے۔ من اکرام سلیم نا بابت ئٹ انتظامیہ تون رابطہ کرین اُن و سامی ٹی فوج ئنا کیمپ آ ہم جُست کرین اُن ولے ننے اونا بابت ئٹ ہچو سرپندی تننگ افس۔
خاہوت خواست کرینے کہ اوفتے اکرام سلیم نا بابت ئٹ سرپندی تننگ مرے او ارانگ ءِ و اودے دیر بیگواہ کرینے۔ اگہ اکرام سیلم آ دوبہ ئس ارے گُڑا اودے عدالت ئٹی ہتنگ مرے۔ بلے دا وڑ بیگواہ کرسا خاہوت ءِ فریشان کننگ مف۔
