بلوچستان نا ضلع خاران نا ڈپٹی کمشنر (DC) منیر احمد سومرو ءِ نوشکی خاران کسر آ سفر نا وخت نادُرست بندغ آک بیگواہ کرینو۔
حوال تا رد ئٹ ڈی سی منیر احمد سومرو نوشکی خاران کسر آ سفر کننگ اسک کہ سلہہ بند بندغ آک اودے تورسا دزگیر کریر اوکان پد اونا ہچو ڈس اف۔
دا اولی تدینی اف ہراڑے سرکاری افسر آتے بیگواہ کننگک داکان مُست ہم بلوچستان نا جتا جتا علاقہ تیان اے سی،ڈی سی ،فوجی افس، فوجی کارندہ و ایلو ڈھکوک ادارہ تا کارندہ تے سلہہ بند بندغ آک ناکہ بندی تا وخت دزگیر کرینو۔
دائسکان ڈی سی منیر احمد نا بیگواہ کننگ نا ذمہ واری ئے ہچو تنظیم ئس ہرفتنے۔
