کراچی نا ہند منگوپیر آن سی ٹی ڈی اِرا بیگواہ کننگوک ءُ ورناتے دروغ ئنا مونتس ئٹی کسفینے ۔
حوال تا رد ئٹ کسفنگوک آ حلال ولد سعید و یحییٰ ولد واحد مری کیچ ئنا ہند تمپ ملک آباد نا ہندی ئسے۔ ہڑتمکا ورناتے 05 جون 2026 آ سی ٹی ڈی حب چوکی آن دزگیر کرسا بیگواہ کرینے۔
ہڑتمکا بندغ آتا کسفنگ آن گڈ سی ٹی ڈی نا پاننگ ءِ کہ اوفک بلوچستان نا آجوئی خواہوک آ سلہہ بند تنظیم بی ایل ایف نا باسک ءُ۔ ہرافتیان اسہ کلاشن و اسہ پسٹول ئس دوئی کننگانے۔
یات مرے کہ داکان مُست ہم پاکستانی لشکر و سی ٹی ڈی زوراکی ئٹ بیگواہ کننگوک آ بندغ آتے دروغ نا مونتس تیٹ خلکنے و پدا اوفتے سلہہ بند تنظیم آتا باسک پارینے۔
