بلوچستان نا ضلع خاران نا علاقہ لجے ٹی پاکستانی فوج ئنا لس آبادی آ ڈرون جلہو، ہراٹی ہندی زمیندار ئسینا اُرا بھُس مسونے داسکان پین جانی نسخان نا حوال اف۔
تدینی آن گڈ ہند ئٹی خلیس نا حالیت ءِ ۔
یات مرے کہ ہنوکا دے تیٹی ،سوراب ،مستونگ، وڈھ، زہری و کردگاپ ئٹی پاکستانی لشکر ہندی آبادی تا سُمکاری و ڈرون جلہو کریسس ، بمباری و سُمکاری آن کیہی چُنا و بندغ آک خلنگاسُر، ساہدار ہم نسخان مسس۔
اندُن ڈیتھ اسکواڈ نا کارندہ آک ارا زالبول آتے برمتہ کننگ آن پد اوفتے خلیسا جون تے بٹیسُر، اسہ زالبول ئسے خضدار و ایلو ئے کیچ آن ریاستی کارندہ آک بیگواہ کرسا منہ دے آن پد اوفتے کسفیسُر ۔
