نوشکی ٹی پاکستانی لشکر کوئٹہ کراچی کسر نا خُڑک ئنا آبادی تے ہنپنگ نا پارینے۔
پاکستانی فوج ئنا پاننگ ءِ کہ نوشکی نا ہند کلی بھٹو، کلی ہارونی، کلی احمدوال و کلی جورکین نا خلک آتا بندغ آک اِرا توو اسکان تینا اُراتے خالی کیر۔
اوفتا پاننگ ءِ کہ بندغ آک ہنپنگ آن مُست احمد وال ئٹی تینا گدان ئے خلنگ آن مُست تینا پن تے نوشتہ کیر، تینا ہڑدیئی نا سامان تے تینتون دیر و ایلو سامان تے تینا اُراتیٹ الیر ۔
فوج ئنا پاننگ ءِ کہ آپریشن نا نیام ئٹی ہند ئٹ ہن و بر آ پابندی خلنگ مریک ۔ اندا وڑ نوشکی ، دالبندین و نوشکی خاران کسر ئے ہم بند کننگ نا گُمان ءِ ۔
