کیچ ئنا ہند گیبن ئٹی استو شام ئنا 2:00 بجہ آ پاکستانی لشکر چھاپہ خلیسہ زوراکی کرینے ،ارا ایلم تون اوار مُسہ بندغ ءِ دزگیر کننگ آن پد بیگواہ کرینے۔
زرمبش حوال تروک آتا رِد ئٹ زوراکی ئٹ بیگواہ کننگوک آتا چاہنداری احمد و محمد ولد محمد یونس نا پن ئٹ مسونے تومکا ایلم تیتون اوار عدنان بلوچ ئے ہم دزگیر کرسا بیگواہ کننگانے ۔ بیگواہ کننگوک آ مُسٹ انگا بندغ آک مزور ءُ۔
او پارے کہ محمد و احمد ئے داکان مُست ہم شش تو اسکان بیگواہ کرینو، اوفک آجو مننگ آن پد پیشی تا ہننگ ئٹی مسونو ۔ درو گْوادر آ پیشی آ ہنانو پدا بسُنو استو فوج اُراغا چھاپہ خلیسا اوفتے اسہ وار ئس پدا بیگواہ کرینے۔
