سوراب و کراچی آن پاکستانی لشکر نا زندان تیان مُسہ بندغ آجو مسونو ۔
حوال تا رد ئٹ آجو مروکا بندغ آتا چاہنداری سعید احمد ولد عبدالزیز، خلیل احمد ولد نور محمد و سیف الدین بلوچ ولد اقبال نا پن تیٹ مسونے۔ سعید احمد و خلیل احمد سوراب نا ہندیءُ ہرافتے پاکستانی لشکر اندا سال 12 جولائی آ دزگیر کرسا بیگواہ کریسس و او 25 اگست آ آجو مرسا تینا اُراغا سر مسونو۔ سیف الدین کلی سراوان خاران نا ہندی سے ہرادے پاکستانی لشکر 23 اگست آ دزگیر کرسا بیگواہ کریسس و اودے 31 اگست آ کراچی آن آجو کننگانے۔
