خضدار نا ہند گریشہ آن پاکستانی لشکر نا ڈھکوک ادارہ تا کارندہ آک ورنا ئسے دزگیر کرسا بیگواہ کرینو۔
حوال تا رد ئٹ زوراکی ئٹ بیگواہ کننگوک آ ورنا ساکم بلوچ ولد مولابخش گریشہ بابُلی نا ہندی ئسے ہرانا سن 17 سال ءِ ۔ اینو نیمروچ آ ڈھکوک ادارہ آتا کارندہ غاک اودے سی پیک کسر آن دزگیر کرسا بیگواہ کرینو ۔
اونا زوراکی ئٹ بیگواہی نا ہیت ئے خاہوت پک کرسا بندغی حق آتا ادارہ غاتیان اونا آجوئی کن توار بُڑز کننگ نا خواست کرینے ۔
خاہوت سرکار آن خواست کرینے کہ ساکم بلوچ نا زوت آجوئی کن گام ارفنگے ۔
