سامی : زورگِر آ پاکستانی لشکر چھاپہ خلیسہ اِرا بندغ آتے دزگیر کرے ۔ خاوت برانز کرِسا کسرتے بند کرے ۔
حوالکار نا رِد ئٹ زوراکی ئٹ بیگواہ مروک آ بندغ نا پجار واحد بخش ولد پیر بخش سامی بلوچی بازار نا تولوک ئسے ۔ پاکستانی لشکر و ڈھکوک آ ادارہ تا کارندہ آک درو بیگاک نا واحد بخش ئے دزگیر کرِسا بیگواہ کریر۔ اینو سعب ئنا واحد بخش نا خاوت برانز کرِسا سی پیک کسرئے بند کننگ آن پد توسُر ۔
اوفتا پاننگ ءِ ہرا وخت اسکان واحد بخش آجو کننگ متنے نن تینا برانز ئے برجاء کینہ ۔
ہندا وڑ تمپ ئٹی زوراک آ پاکستانی لشکر استو ورناس ئے دزگیر کرِسا بیگواہ کرے ۔
حوالکار نا رِد ئٹ زوراکی ئٹ بیگواہ مروک آ ورنا نا پجار عبدالمالک ولد رحمدل ءِ ارا تمپ ئنا ہند کورجو نا تولوک ئسے ۔ہرادے استو اونا اُراغہ زوراک آ پاکستانی لشکر چھاپہ خلیسہ دزگیر کرے۔
ہندُن پارہ کہ مُست عبدالمالک ولد بشام پنی ءُ کماش ئسے دزگیر کرسا بیگواہ کرینے تشدُد کننگ آن پد آجو مسُنے ۔
دا خاوت ہر وخت آ ریاستی لشکر و ہندی ڈیتھ اسکواڈ آتا زوراکی تہ گواچیءِ۔
