شال ئنا ہند گشکوری ٹاؤن آن پاکستانی فوج درو سوب ئنا چار بجہ غا چھاپہ خلِسہ اِرا زالبول آتے اِرا چُنا تیتون اوار برمتہ کرسا تینتون درینے۔
حوال تا رد ئٹ زوراکی ئٹ بیگواہ کننگوک آ زالبول آتا چائنداری ہمیرا بلوچ ولد عبدالرسول و نجمہ بلوچ ولد عبدالرسول و چُناک پریسا ولد مندوست، ذاکر ولد عبدالحق نا پن تیٹ مسُنے، ہرا مستونگ نا ہند کابوئی نا تولوک ءُ۔
وی بی ایم پی نا چیئرمین نصر اللہ بلوچ چُنا و زالبول آتا زوراکی ئٹ بیگواہی نا مذمت ئے کرسا پارینے کہ ہمرو ہم شاری ئس مرے اودے غیر قانودی ئٹ بیگواہ کننگ و عدالت تیٹی وے ہتنگ شاری تا بنیاتی حق ءُ قانود نا اختیار و پاکستان نا آئین نا برخلاف ءِ۔
او خواست کرینے کہ چُنا و زالبول آتا بیگواہی نا پٹ ءَ پول کننگ مرے و اوفتے عدالت ئٹی ہتنگ مرے و انصاف تننگ مرے۔
