کیچ: تمپ ئنا ہند دازن ئٹی پاکستانی فوج ئنا دو آن شہید مروکا ظریف بلوچ نا خاہوت تربت پریس کلب ئٹ پریس کانفرنس کرسا پارینے کہ 27 دسمبر 2024 آ ظریف بلوچ نا خلنگ آن پد اونا جون ئے بٹینو۔ 22 مئی 2026 آ ننا اُراتے پاکستانی فوج پرغِسا خیسُن، زر و ایلو سامان تے درینے۔
خاہوت پارینے کہ تنیا ظریف بلوچ نہ، بلکہ ایلو ایڑ و سیال آتا اُراتے ہم نسخان تسنو۔
او پارینو کہ 21 جولائی آ اسہ وارس پدا ننا اُراتا کاروائی کننگانے و قیمتی آ سامان تے دننگانے۔
خاہوت پارینے کہ ننے اسہ لڑ ئٹ تڑی تننگ و خلیفنگ ءُ۔ ای اسہ زالبول ئسے اُٹ اللہ نا اُمیت ئٹ تینا زند ئے گدریفنگ اُٹ کنا الہ و ایلو سیال آتون ہم زوراکی کننگ ءُ۔ ننا سامان تے لاری تا ہمپِسا درینو۔ اگہ کس ئسے نن تون ذاتی جیڑہ ئس ارے گُڑا پار ننا اُراٹی نہ سلاہ ئس ارے نئے پین غیر قانودی گڑا ئس۔
خاہوت انصاف نا خواست کرینے و پارینے کہ دا جیڑہ نا بابت ئٹ پٹ ءَ پول کننگ مرے و ننا سلامتی ئے یخینی جوڑ کننگے۔
