بی ایل اے نا ترجمان جیئند بلوچ میڈیا ٹی شنگ کروک بیان ئسیٹی پارے کہ کوئٹہ نا علاقہ ٹی کوزہ کروک پاکستانی فوج ئنا اِرا کیمپ آتیا جلہو کرسا چانڑدہ کارندہ تے خلکر و تومکا کیمپ آتے تینا کنٹرول ئٹی ہلکُر۔ دا سرسوب انگا پیش قدمی آن پد بی ایل اے نا سرمچار آک دشمن نا تومکا کیمپ آتے گھیرہ کرسا کُل سلاہ تے ہرفیر۔
ترجمان مُستی پارے کہ درو شام ئنا شش بجہ غا سرمچار آک اسہ سوگو ءُ کارروائی ئسیٹی کوئٹہ شار ئتو تفوک اِرا جاگہ ولی تنگی و اسپین کاریز ئٹی کوزہ کروک پاکستانی فوج ئنا اہم انگا پوسٹ آتیا اسہ وخت آ سخت جلہو تے بناء کریر۔ او پارے کہ دا کارروائی تیٹی بی ایل اے نا خاص دستہ فتح اسکواڈ پیش قدمی کرسا کوزہ گیر فوج ئنا پوزیشن تے نشانہ کرسا اوفتے بجی ہننگ کن مجبور کریر و ایلو فوجی بشخ آتے مونی ہننگ کن کسر تسُر۔
ترجمان پارے کہ سرمچار آک ولی تنگی نا محاذ آ دشمن ئے گھیرہ کرسا کوزہ گیر فوج ئنا نُہہ کارندہ تے خلکُر و پوسٹ ئے تینا کنٹرول ئٹی کریر و ایلو اسیپن کاریز نا ہند آ ایلو بشخ آک پیش قدمی کرسا کوزہ گیر فوج ئنا پنچ کارندہ تے خلکُر دشمن نا تیبہ دفاعی لکیر آتے پرغار و دا پوسٹ ئے ہم تینا کنٹرول ئٹی ہلکُر۔
ترجمان جیئند بلوچ ایسر ئٹ پارے کہ بی ایل اے نا فتح اسکواڈ بھاز مہارت، نظم ءُ بے مثال انگا جرت ئٹ کوزہ گیر فوج ئے نسخان تسُر و دا کُبین انگا آپریشن ئے سرسوبی ئٹ ایسر کریر۔ دا آپریشن ئٹی بی ایل اے نا اِرا سرمچار سنگت میر عالم کھیازئی عرف سلمان و سنگت نور احمد سمالانی عرف نوتک بہادری ئٹ جنگ کرسا شہید مسُر۔ بی ایل اے تینا دا عظیم انگا شہید آتا قربانی، سوگو انگا راجی جوزہ و انقلابی اواری آ خیسن ءُ دروت ندر کیک و نن دا قول ئے کینہ کہ شہید آتا مشن مزل نا ہلنگ اسکان برجاء مرو۔
