کراچی نا جتا جہہ تیان ءُ قلات ئٹی پاکستانی لشکر ءُ سی ٹی ڈی نا کارندہ غاک مُسہ بندغ ئے دزگیر کننگ آن گُڈ بیگواہ کرینو ۔
حوال تا رد ئٹ 29 جولائی 2026 آ ٹنڈو اللہ یار نا ہند ابراہیم شاہ پولٹری فارم آن یونس بلوچ ولد انور ئے سی ٹی ڈی دزگیر کننگ آن گُڈ بیگواہ کرینے ۔ بیگواہ مروک آ یونس بلوچ کراچی نا ہند شاہ علی گوٹ ، شرابی ملیر نا تولوک ئسے۔
ہندا وڑ ئٹ 29 جولائی 2026 آ کراچی نا ہند بھٹو کسر آن رینجرز عبدالمجید ولد حاجی غلام محمد ئے دزگیر کننگ آن گُڈ بیگواہ کننگانے ۔ عبدالمجید کراچی نا ہند حاجی وشدل گوٹ ملیر نا تولوک ئسے ۔
ایلو نیمہ غا قلات نا ہند سراوان ٹاؤن نا تولوک بیست سالی آ ورنا کفایت اللہ ولد سفر خان ئے 10 جون آ پاکستانی لشکر منگچر آن دزگیر کننگ آن گُڈ بیگواہ کرینے، ہرا دکاندار ئسے۔
