بلوچستان نا ضلع کوئٹہ و سوراب آن مُسہ بندغ ئے پاکستانی فوج زوراکی ئٹ بیگواہ کرینے۔
حوال تا رد ئٹ کوئٹہ نا علاقہ سریاب کسر، عوامی پمپ، کلی حسین آباد نا ہندی 15 سالی آ عزیز ولد محمد سلطان ئے 23 جولائی 2026 نا شام 12:30 بجہ غا سریاب کسر آن آئی ایس آئی و سی ٹی ڈی کارندہ آک دزگیر کننگ آن گڈ بیگواہ کرینو۔ عزیز بلوچ اسہ رکشہ ڈرائیور ئسے، اودے ارٹمی وار ءِ کہ زوراکی ئٹ بیگواہ کننگانے۔
ایلو نیمہ غا سوراب آن 12 جولائی 2026 نا شام 05:00 بجہ نا وخت اِرا مزور خلیل احمد ولد محمد نور و گل محمد ولد محمد جان ئے اوفتا اُرا غان ایف سی و فوج ئنا کارندہ آک دزگیر کننگ آن گڈ زوراکی ئٹ بیگواہ کرینو۔
