بلوچستان نا ضلع کیچ ئنا ہند تُربَت گھنہ ٹی سرکار نا مُخ تفی ٹی کاریم کروک ڈیتھ اسکواڈ نا کارندہ غاک اسہ ورنا ئسے کرکٹ گراؤنڈ آن دزگیر کرسہ مَچْ آتا باغ تیٹی دننگ آن پد سُمکاری کرسہ کھسفینو۔
پولیس نا رِد ئٹ ارا اسکوٹر آتا سوار سلاہ بند بندغ آک کرکٹ گراؤنڈ آ برسہ فیصل ولد رسول بخش گھنہ نا تولوک ئے درینو و مچ آتا باغ تیٹی سمکاری کرسہ خلکنو۔
جون ئے المی کاروائی کن اسپتال آ دننگانے۔
ایلو نیمہ غا تحصیل مند آن اسہ جون ئس دُو تمانے ہرانا چائنداری عبدالباسط ولد حاجی حُسین نا پن ئٹ مسنے، ہرا مند گوک ئنا جہی ئس ءِ۔
