بلوچستان نا ضلع کیچ ئنا علاقہ ڈبک و نیودیھات گیبن آن مُسہ بندغ ئے زوراکی ئٹ بیگواہ کننگانے۔ خاہوت آتا رد ئٹ مُسٹ انگا بندغ آتے 15 جولائی 2026 آ بیگواہ کننگانے۔
حوال تا رد ئٹ بیگواہ کننگوک آ بندغ آتیٹی لقمان ولد ممتاز نیودیھات گیبن نا ہندی، عابد ولد جاوید ڈبک کیچ ئنا ہندی و نوروز ولد محمد ولی ڈبک کیچ ئنا ہندی اوار ءُ۔
حوال تا رد ئٹ لقمان اسہ کرکٹر ئسے ہرا عابد بام اسکول ئٹی استاد ئسے ہم۔ خاہوت نا رد ئٹ لقمان ئے پاکستانی فوج بیگواہ کرینے اوکان پد خاہوت ئے اونا بابت ئٹ ہچو حوال ئس تننگ متنے۔
زیمی مروکا خاہوت آک خواست کرینو کہ اگہ دا بندغ آتا ہمرو ہم دوبہ ئس ارے گُڑا اوفتے قانونی رد ئٹ عدالت ئٹی ہتنگ مرے، اگہ او پین جرم ئسیٹی اوار افس اوفتے آجو کننگے۔
