اِستو کوئٹہ ٹی نادُرست سلاہ بند بندغ آک بی این پی نا باسک عارف مینگل ئے سُمکاری کرسا خلکُر، تدینی کوئٹہ نا علاقہ ویسٹرن بائی پاس آ مسُنے، ہرانا برخلاف پارٹی باسک آک ویسٹرن بائی پاس آ برانز کننگ ءُ۔
یات مرے کہ داکان مُست ہم کوئٹہ و بلوچستان نا ایلو علاقہ تیٹی بی این پی مینگل نا راہشون و باسک آتے خلنگ مسُنے، پارٹی دا کوش آتا ذمہ وار پاکستانی فوج و ہندی ڈیتھ اسکواڈ آتے پارینے۔
ایلو نیمہ غا شام ئنا ضلع سبی نا علاقہ بختیار آباد ئٹی نادُرست سلاہ بند بندغ آک نیشنل پارٹی نا راہشون و مُسکوہی ایم پی اے یاسیمن لہڑی نا باوہ نور احمد لہڑی ئے اونا خلق، موضع حسین آباد آن بیگواہ کرینو۔
