گوادر نا علاقہ جیونی نا علاقہ پانوان آن درو پنچ بندغ نا جون خننگاسس،جون تیا تشدد نا نشان آک اسُر، ہرافتان پنچمی جون ئنا چائنداری چاکر گلاب نا پن ئٹ مسُنے، ہرا بل نگور نا ہندی ئس ءِ۔ پن کروک وتنا ئے اِرا سال مُست پاکستانی فوج زوراکی ئٹ بیگواہ کریسس۔
یات مرے کہ پاکستانی فوج جمعہ نا دے پانوان ئٹی پاکستانی کوسٹ گارڈ آ بی ایل اے نا جلہو آن پد کیہی سلاہ بند بندغ آتے خلنگ نا پڑو کریسس۔
واہم خننگوک آ پنچ انگا جونک مُست بیگواہ کننگوک آ بندغ آتا اسُر۔ یات مرے کہ داکان مُست ہم پاکستانی فوج زوراکی ئٹ بیگواہ کننگوک آ بندغ آتے دروغ ئنا مونتس تیٹی شہید کرینے۔
