گودار نا ہند جیونی ٹی پاکستانی لشکر اینو سوب ئنا چھاپہ خلکُنے ءُ بھاز بندغ آتے دزگیر کننگ آن گُڈ بیگواہ کرینے ۔
حوال تا رد ئٹ زوراکی ئٹ بیگواہ کننگوک بندغ آتا چائنداری پیرگل ولد احمد ، سمیر ولد پیرگل ،سراج ولد ابراہیم ،رحیم خان ولد حاصل خان،گمان ولد مراد جان، نوید ولد داد محمد ، سید محمد ولد لال بخش ،شاہ زیب ولد سید محمد ، ناھدا نور ولد یوسف ،سید محمد ولد یوسف نا پن تیئٹ مسنے ہرا جیونی نا میتگ پانوان نا تولوک ءُ ۔ پن کروک کُل بندغ آتے اوفتا اُرا تے آ چھاپہ خلننگ آن گُڈ بیگواہ کننگانے ۔
ہندون پاننگ مننگ ءِ کہ اینو سوب ئنا گنز ءُ پانوان کسر نا پہناد آ مُسہ بندغ نا جون خننگانے، ہرافتے المی کارروائی کن اسپتال آ دننگانے۔
