بی ایل اے نا ترجمان جیئند بلوچ میڈیا ٹی شنگ کروک تینا بیان ئسیٹی پارے کہ اینو شام ئنا گوادر نا علاقہ جیونی ٹی پانوان نا ہند آ برجاء انگا پاکستانی فوج ئنا کوسٹ گارڈ نا کیمپ آ مروکا فدائی جلہو نا ذمہ واری ئے ہرفنہ۔
ترجمان جیئند بلوچ پارے کہ دا سوب مند انگا جلہو ئٹی دشمن نا 30 آن زیات کارندہ خلنگانے و کیہیک ٹپی ءُ۔
ترجمان بیان ئٹی پارے کہ اینو شام 06:32 آ جیونی نا علاقہ پانوان ئٹی کوسٹ گارڈ نا کیمپ آ مجید بریگیڈ نا فدائی سرمچار عطاء اللہ عرف اجمل شورہ آن پُر انگا مزدا لاری ئے سوب مندی ئٹ کیمپ ئنا تہٹی درسا ڈیٹونیٹ کرے۔ دا طاقتور فدائی تراک ئٹی کوسٹ گارڈ نا سوگو انگا قوزہ گیری آ کیمپ تیبہ بھُس مس۔
ترجمان پارے کہ فدائی جلہو آن پد ننا تنظیم نا فتح اسکواڈ سوگو و منظم وڑ ئٹ مُستی ہِنِسہ بھُس مروکا کیمپ آ چار نیمہ آن جلہو کرے و تراک آن بچوکا و سخت خلیس نا گواچی انگا کارندہ تے خُڑک ئنا جنگ ئٹی سُمکاری کرسا خلکُر۔
ترجمان جیئند پارے کہ تموکا دیوال تا کیرغ آن تموک و ٹپی مروکا کارندہ تا خلنگ مننگ نا امکان ارے۔ دا فدائی جلہو نا شابیتی حوال و ویڈیو زوت میڈیا ٹی شنگ کننگ مرور ۔ قوضہ مروک بلوچستان نا تیبہ آجوئی اسکان دشمن آ ننا جلہو آک ہندا ترندی ئٹ برجاء مرور۔
