بلوچستان نا ضلع کیچ ئنا ہند گومازی نہنگ ڈور ئٹی پاکستانی فوج بھلو کچ ئسیٹی لشکر کشی کننگ ءِ۔
حوال تا رد ئٹ لشکر کشی نا وخت اسہ ورناس ئے زوراکی ئٹ بیگواہ کننگانے، ہرانا چائنداری یحییٰ ولد عبدالکریم نا پن ئٹ مسنے۔
پاننگ مننگ ءِ کہ پاکستانی فوج نہنگ ڈور نا جتا ہند آتیا کارروائی کرسا کواڈ کاپٹر آتیٹ بمباری کرینے و پدا زمینی آپریشن ئے بناء کرینے۔ آپریشن نا وخت ہن ءَ بر نا کسر تیا فوج ئے سلیفینو و علاقہ ٹی فوج ئنا پین نفری ہم ہتنگ مسُنے۔
