شال: بی وائی سی نا سربر ڈاکٹر ماہ رنگ بلوچ و صبغت اللہ شاہ جی نا عمر قید ئنا برخلاف مکران تون اوار بلوچستان نا جتا ہند آتیٹی چار شمبے نا دے آ شٹر ڈاؤن ہڑتال کننگانے۔
حوال تا رد ئٹ آواران، خاران، اورماڑہ، لسبیلہ، خضدار، قلات، مستونگ، چاغی و شال ئٹی شٹرڈاؤن ہڑتال کننگانے ہراڑان بھاز کاروباری جاگہ و کسرک بند کننگانو۔ دا ہڑتال نا پڑو ئے بی وائی سی کریسس کہ ہرانا مختفی ئے بھاز انگا ایسوسی ایشنز آک کریسُر۔
دُن کہ پاکستانی فوج ئنا عدالت بی وائی سی نا سربر ڈاکٹر ماہ رنگ بلوچ و صبغت اللہ شاہ جی ئے فوجی کارندہ شبیر احمد نا کوش ئنا دوبہ خلسہ عمر قید ئنا سزا تسس۔
دا سزا آن پد جتا سیاسی و چاگڑدی ٹولی و بندغی حق آتا ادارہ آک دا فیصلہ نا مذمت ئے کریسُر۔
