حلیم زہری ئے اونا اُورا غان پاکستانی رینجرز و ایلو ادراہ آتا کارندہ آک دزگیر کرسا بیگواہ کریسُر۔
حوال تا رد ئٹ تدوکا تو 16 ءُ 17 مئی نا نن حب چوکی الہ آباد ٹاؤن ئٹی رینجرز ءُ ایلو پاکستانی اداراہ آتا کارندہ آک اسہ ارا سے آ چھاپہ خلکُسُر ، اُراٹی ٹی ساڑی خضدار ،زہری نا تولوک حلیم زہری ولد عبدالقادر ئے زوراکی ئٹ بیگواہ کریسُر۔
حلیم زہری نا باروئٹ پاننگ مننگ ءِ کہ تدوکا تو اونا زوراکی ئٹ بیگواہی آن مُست پسنی ٹی پاکستانی لشکر اودے دزگیر کریس ئس و منہ دے آن پد یلہ تسس ، ولے حب چوکی آن زوراکی ئٹ بیگواہ کننگ آن پد اونا ہچو ڈس ئس اف۔
حلیم زہری بیگواہ مروک انگا بلوچ سیاسی باسک راشد حسین نا الہ مار ءِ ءُ ایران بارڈر آ مزدوری کیک ، داکان مُست زہری ٹی آپریش ئسیٹی اونا ایلم منان زہری ئے پاکستانی لشکر زوراکی ئٹ بیگواہ کریسس۔
