حوال تا رد ئٹ آواران نا علاقہ جھاو نا ہندی نادل بلوچ ولد خیر محمد نا خاہوت پاننگ ءِ کہ نادل بلوچ ئے ہفت ءُ ہشت فروری 2026 نا نیامیکو نن حب چوکی نا ہند دارو ہوٹل آن دزگیر کننگ آن گُڈ بیگواہ کننگانے، مُسہ تو گدرینگ آن پد ہم اونا ہچو حال ئس اف۔
خاہوت پارے کہ نادل بلوچ داکان مُست 21 اپریل 2019 آ تینا چُنکا ایلم سدیر بلوچ تون اوار بیگواہ کننگانے، و سال ئس ءُ نہہ تو زوراکی ئٹ بیگواہی آن پد آجو مسنُے، دا اونا اِٹمی وار ئے کہ بیگواہ کننگانے۔
خاہوت نا پاننگ ءِ کہ نادل بلوچ بے میار او ورنا ئس ءِ اودے پین ہچ کاریم تیتون کاریم متنے ، او مزدوری کرسہ تینا خاہوت ئے ولفینگ ئٹی مسُنے۔ اگہ اونا زی آ ڈوھ ئس ارے تو اودے عدالت ئٹ پیش کننگ مرے ۔
خاہوت اقوام متحدہ ، بندغی حق آتا تنظیم و کُل بندغ دوست توروکا بندغ آتیان خواست کرینے کہ او نادل بلوچ نا آجوئی کن توار بُرز کرسہ تینا کڑد ئے ادا کیر۔
