بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچارک 04 جون 2026 نا سوب گوادر نا علاقہ کنٹانی ٹی ہور نا ہند آ کاروائی کرسا چار پولیس کارندہ تے ہمو وخت دزگیر کریر ہرا وخت اوفک ہندی لاری تیان بھتہ ہلنگ اسُر۔ سرمچارک کارندہ تیان اسہ کلاشن ئس میگزین تون اوار و لاری ئس دوئی کریر۔
ترجمان پارے کہ سرمچارک 03 جون 2026 آ مند ئنا علاقہ سورو ٹی پاکستانی فوج و ایم آئی نا دفتر آ کیہی گرنیڈ لانچر خلکر ہرا ٹِک نشانہ غا لگار۔ کاروائی ٹی فوج ئے جانی و مالی نسخان ہرفوئی تمانے۔
ترجمان مُستی پارے کہ اسہ پین کاروائی سیٹی سرمچارک 03 جون 2026 آ بلیدہ نا علاقہ میناز ئٹی پاکستانی فوج ئنا کاروان ئسے آئی ای ڈی بمب جلہو ئٹی نشانہ کریر ہراڑان لاری ٹی سوار چار فوجی کارندہ خلنگار و لاری تیبہ بھُس مس۔
ترجمان مُستی پارے کہ 02 جون 2026 آ نوشکی ٹی ریکوڈک منصوبہ تون تفوک معدنیات دروکا لاری تا رکھنگ کن سلوک لاری ئے آئی آی ڈی بمب تراک ئٹی نشانہ کریر ہرانا سوب آن 2 کارندہ خلنگار و 2 ٹپی مسر۔ جلہو آن پد دشمن فوج خُڑک ئنا آبادی تیا جلہو کرسا بے گناہ انگا اُلس ئے لٹ ئہ کٹ نا گواچی کرے و بندغ آتا کُڈِک آتے ہُشِسہ اوفتا مال تے نسخان تس۔
ترجمان مُستی پارے کہ سرمچارک اسہ پین کاروائی سیٹی 31 مئی 2026 آ کیچ ئنا علاقہ شہرک ئٹی ڈیم بازار نا ہند آ سی پیک کسر آ ایف سی نا لاری ئسے آئی ای ڈی بمب جلہو ئٹی نشانہ کریر ہرانا سوب آن 5 ایف سی کارندہ خلنگار و مُسٹ ٹپی مسر، لاری ہم تیبہ بھس مس۔
ترجمان بیان ئٹی مُستی پارے کہ اسہ پین کاروائی سیٹی سرمچارک 31 مئی 2026 آ گوادر نا علاقہ پشکان ئٹی برجاء انگا پولیس چوکی آ کوزہ کریر۔ کاروائی نا وخت سرمچارک اوڑے ساڑی انگا پولیس کارندہ تے دزگیر کرسا اِرا کلاشن و ایلو فوجی سامان تے ہرفیر۔ پولیس کارندہ تے بندغی ہمدردی نا بنیات آ آجو کریر۔
ترجمان پارے کہ سرمچارک 27 مئی 2026 آ کیچ، دشت ئنا علاقہ کنچتی ٹی ریاستی مخبر تا کاریم تا سوب آن کسر آ ناکہ بندی کرسا پٹ و پول نا عمل ئے بناء کریر۔ پٹ و پول نا وخت سرمچارک عطا اللہ ولد عبدالواحد دشت، چوٹ نا ہندی ئے پجار کننگ آن پد دزگیر کریر۔ دزگیری نا وخت او تینا ڈوہ تے منیسہ پارے کہ سرمچار تا مخبری کننگ، علاقہ ٹی گشت و دُزی ٹی اوار مسنے۔ اوکان بیدس او ہندی بندغ آتے زور ئٹ فوجی کیمپ آ دننگ و اوفتے فوج ئکن مخبر جوڑ کننگ نا کوشست کرینے۔ پٹ و پول نا وخت او کیہی پین فوجی مخبر تا پن تے پارے اوفتے پٹ و پول آن پد زوت اوفتا ایسر آ سر کننگ مرو۔
ترجمان ایسر ئٹ پارے کہ یات مرے بی ایل ایف نا نیمہ غان پن کروکا بندغ ئے کیہی وار پاننگانے کہ او دُن انگا کاریم تیان مُر مرے واہم او دا کاریم تیان مُر مننگ و مخبری وے کننگ نا جاگہ آ دشمن کن تینا کاریم تے تیز کریسس۔ کُل ڈوہ تا پٹ و پول آن پد سرمچارک 30 مئی آ اودے دشت کھڈان نا ہند آ سُمکاری کرسا خلکُر۔ بی ایل ایف دا کاروائی تا ذمہ واری تے ہرفک۔
