بلوچ یکجہتی کمیٹی تینا شنگ کروک بیان ئسیٹی پارے کہ زہری ٹی برجاء انگا فوجی زوراکی، غیر قانودی کوش، زوراکی ئٹ بیگواہی، آبادی تیا سُمکاری و شاری تا زند ئے جنجال کننگ نا برخلاف بی این پی نا برانز نا مُخ تفی ئے کینہ۔
او پارے کہ میر خلیل احمد موسیانی ئے خلنگ و اونا جون ئے خاہوت ئے وے تننگ، کماش نصیر احمد موسیانی ئے تنک کننگ و بھاز بندغ آتا زوراکی ئٹ بیگواہی نہ تنیا بندغی حق آتا برخلافی ءِ بلکن بلوچستان ئٹی برجاء انگا بلوچ نسل کشی نا پالیسی نا بشخ ءِ۔ زہری نا بندغ آتا اشتماعی سزا و خلیفنگ ہچ وڑ ئٹ قابل قبول اف۔
بی وائی سی بلوچ اُلس، سیاسی باسک، خوانندہ، وکیل، حوالکار و بندغی حق آتا باسک آتیان خواست کرینے کہ اوفک دا برانز ئٹی جوانو وڑ ئسیٹی بشخ ہرفیر و زہری نا اُلس ئتون اوار مریر انتئے کہ بے تواری زوراکی تے گیشتر کیک۔ وخت ہندادے کہ نن اوار مرسا زہری تون اوار بلوچستان ئٹی برجاء انگا ریاستی زوراکی تا برخلاف جہد کین۔
