پنجگور ئٹی پاکستانی فوج زوراکی ئٹ بیگواہ کننگوک آ اویس بلوچ ئے خلسہ اونا جون ئے بٹینے۔
زرمبش حوالکار تا رد ئٹ پاکستانی فوج استو پنجگور نا ہند خدابادان ئٹی سُمکاری کرسا اویس بلوچ ئے ٹپی کننگ آن پد اودے پین چار بندغ بختیار بلوچ ولد حاجی محمد حسین، عرفان ولد حاجی محمد حسن، بلال ولد حاجی محمد حسن و حسن ولد خلیل ئے اواری ئٹ برمتہ کننگ آن پد بیگواہ کرے۔
اویس بلوچ ئے پاکستانی فوج دزگیر کننگ آن پد تینا کیمپ آ درِسا خلکنے و پدا اونا جون ئے بٹینے۔
یات مرے کہ ایلو بیگواہ کننگوک آ بندغ آتیٹی بختیار، بلال و عرفان تینتون ایلم ءُ۔
