خضدار آن پاکستانی لشکر مشکے نا ہندی نیاڑی ئس دزگیر کننگ آن پد بیگواہ کرینے۔
حوال تا رِد ئٹ بیگواہ کننگوک نیاڑی حیات بی بی نا پِن ئٹ چاننگ مسنے ہرا مشکے نوکجو نا ہندی ئسے، حیات بی بی آسک منہ وخت مہالو آن خضدار ٹی رہینگرہ۔ 18 فروری آ پاکستانی لشکر خضدار نا علاقہ گزگی ٹی اوفتا اُراغا چھاپہ خلسہ اودے بیگواہ کرینے۔
داڑان مہالو پاکستانی لشکر حیات بی بی نا ارِغ فضل کریم و اونا اِرا مار تون اوار خاہوت نا یانزدہ بندغ ئے جتا جاگہ تیان زوراکی ئٹ بیگواہ کرینے۔
دا خاہوت نا بیگواہ مروک بندغ آک فضل کریم، نواز، دادشاہ، عبدالرب، محمد رحیم، عبدالرازق، عبدالمالک، شاہ زیب، جھانگیر، شاہ میر و نوروز نا پِن ئٹ چاننگ مسنو ہرافتے خضدار و حب آن بیگواہ کننگانے۔
