بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچارک 19 فروری آ پسنی نا علاقہ کلانچ ئٹی ڈوکی نا ہند آ برجاء انگا پاکستانی فوج ئنا چوکی آ بھلا سلاہ تیئٹ جلہو کریر، ہراٹی دشمن ئے جانی و مالی نسخان ہرفوئی تمانے۔
ترجمان پارے کہ اسہ پین کاروائی سیٹی 18 فروری آ سرمچارک جھاؤ نا علاقہ زیرکانی ٹی سنگر ہلِسہ فوجی کاروان ئے بھلا سلاہ تیئٹ ٹِک کریر۔ دا جلہو ہمو وخت کننگا ہراتم کوزہ گیر فوج ڈولیجی کیمپ آن پیشتمسا آپریشن کن کورک نا نیمہ غا ہننگ اسک، دا جلہو ئٹی دشمن فوج ئنا اِرا کارندہ خلنگا و ایلو کارندہ آک تینا لاری تے الیسہ نرار۔
ترجمان پارے کہ جھاؤ زیرکانی جلہو نا زد ئٹی بروکا کاروان نا کمک کن بروکا فوجی دستہ آک بسُر ہرافتے بی ایل ایف نا اسنائپر ٹیم ٹک کرے ہراٹی پین اِرا فوجی کارندہ خلنگا، دا کاروائی ٹی چار کارندہ خلنگار و کیہیک ٹپی مسُر، اوکان پد کارندہ آک بے سوب مرسا واپس ہنار۔
ترجمان پارے کہ ہندا دے 18 فروری آ سرمچارک واشک، رخشان نا علاقہ پتک ئٹی سی پیک کسر آ مُسہ گھنٹہ اسکان ناکہ بندی کرسا لاری تے پٹ ئہ پول کریر، پٹ ئی پول نا وخت سرمچارک علاقہ ٹی کوزہ گیر فوج ئنا ہن و بر آ نظر تخار و مشکوک کاریم تے ہُرار۔
ترجمان پارے کہ دا کاروائی نا مسخت علاقہ ٹی دشمن فوج و اونا ایجنٹ آتا ہن و بر ئے توننگ و کاریم کروکا فوجی دستہ و ایجنٹ آتے دزگیر کننگ و نشانہ کننگ اسک۔
ترجمان گہرام بلوچ ایسر ئٹ پارے کہ بی ایل ایف پسنی ٹی کوزہ گیر فوج ئنا چوکی و جھاؤ ٹی فوجی کاروان و اونا کمک آ جلہو ئٹی چار کارندہ تا خلنگ و واشک ئٹی سی پیک کسر آ ناکہ بندی نا ذمہ واری ئے ہرفِک۔
