بی این ایم نا بندغی حق آتا تنظیم ” پانک” ئنا رد ئٹ پنجگور نا ہندی خوانندہ ذاکر نور ئے 30 دسمبر 2025 آ کراچی آن ریاستی فوج ئنا کارندہ غاک دزگیر کرینو۔ تنظیم نا رد ئٹ ذاکر نور ئے بیدس وارنٹ، قانودی جواز یا ضابطہ کار آن بغیر دزگیر کننگانے، ہراکان پد اونا ہچو ڈس ئس اف۔
پانک ئنا بیان ئٹی پاننگانے کہ ذاکر نور ئے نادُرست جاگہ ئس دننگ آن پد اونا زندگی کن خطرہ مننگ کیک و دا گامگیج آک جہانی قانود آتا رد ئٹ بندغی حق، خاص زوراکی ئٹ بیگواہی و تینا حساب ئٹ دزگیری نا قانود آتا برخلافی ءِ۔
تنظیم دعویٰ کرینے کہ بلوچستان نا ہندی خوانندہ و ورناتا زوراکی ئٹ بیگواہی نا تدینی تیٹی ترندی ہتنگ مسُنے۔
