یونائیٹڈ بلوچ آرمی نا ترجمان مزار بلوچ میڈیا ٹی شنگ کروک بیان ئسیٹی پارے کہ ننا سرمچار آک 05 فروری آ ضلع کچی نا ہند سنی ٹی ریاستی مخبر گل محمد جتک عرف گلو ولد صاحب داد جتک آ سُمکاری کریر ہراڑان گل محمد ہمو جاگہ غا خلنگا و سرمچار آک اونا سلاہ تے ہم ہرفیر۔
ترجمان پارے کہ پن کروک بندغ ہنوکا کیہی سال آتیان پاکستانی فوج ئنا ڈھکوک ادارہ تیکن کاریم کننگ اسک۔ دا بابت ئٹ مُست ہم بلوچ سرمچار آک گل محمد جتک و اونا سیال آتے سختی ئٹ پارینو، ولے او تیان کاریم تان مُر متو و بلوچ آجوئی خواہوک سرمچار تا مخبری و اوفتے ٹریک کننگ آن بیدس لس بندغ بلوچ ورنا تا دزگیری ٹی اوار اسک، گل محمد جتک و کارندہ تا مخبری نا سوب آن کیہی بلوچ ورناک دشمن نا ادارہ تا دوٹی تمانو۔
ترجمان مُستی پارے کہ چار و پنچ فروری نا نیامیکو شام ڈھاڈر نا ہند کمڑی پُہل آ گشت ئنا وخت سرمچار آک پولیس تون مون پہ مون مُسر ہراڑان پولیس کارندہ آک سُمکاری کریر ہرانا جواب ئٹ سرمچار آک پولیس کارندہ تیا سُمکاری کریر،ہراڑان اسہ کارندہ ئس خلنگا و لاری ئس ہُشنگ مسّ۔
ترجمان ایسر ئٹ پارے کہ ننا دُن انگا جلہو آک بلوچستان نا آجوئی اسکان برجاء مرور۔
