بلوچستان نا ضلع گوادر نا تحصیل جیونی نا علاقہ روبار ئٹ پاکستانی فوج ئنا لشکر کشی برجاء ءِ۔
پن کروک علاقہ ٹی لشکر کشی نا وختا پاکستانی فوج جہی بندغ آتے بیدادی نا گواچی و زوراکی کننگ تون اوار ہر نن اُرا تیا جلہو کیک و اُرا تیٹ ساڑی نہادی آ مال و مڈی تے لُٹیک دیک و کیہی بندغ آتا بیگواہ کننگ نا حوال ہم ارے۔
حوال تا رد ئٹ 6 جنوری آ پاکستانی لشکر اسہ اُرا ئسے آ چھاپہ خلکنے و 35 سالی آ آصف عیسیٰ و 28 سالی آ پیری عیسیٰ ولد عیسیٰ، ئے دزگیر کننگ آن گڈ بیگواہ کرینے۔
اندن ایلو دے یعنی 7 جنوری آ اندا علاقہ آن 33 سالی آ شاہ بخش ولد عمر ئے ہم دزگیر کرسا بیگواہ کننگانے۔
جہی بندغ آتا پاننگ ءِ کہ جیونی نا علاقہ روبار داسکان پاکستانی فوج ئنا سرچ آپریشن نا زد ئٹ ءِ، و شاری تے ہمپنگ آ بیوس کننگ مننگ ءِ، و دزگیر کننگوک بندغ آک داسکان بیگواہ ءُ۔
