ضلع کیچ ئنا تحصیل زامران نوانو نا جہی ملا رزاق نا جون خننگانے، ہرادے اینخو 14 جنوری آ ریاستی مخ تفی ٹی کاریم کروک سلاہ بند ٹولی ڈیتھ اسکواڈ نا کارندہ غاک زوراکی ئٹ بیگواہ کریسُر۔
جہی بندغ آتیان رسینگوک حوال و خاہوت نا رد ئٹ ملا رزاق ئے اونا علاقہ آن زوراکی ئٹ بیگواہ کننگاسس و بیگواہی نا اسہ دے آن گڈ، 15 جنوری 2026 آ اونا جشوک جون خننگانے۔
خیال ئٹ مرے بلوچستان ئٹ زوراکی نا بیگواہی و بیدس عدالت خون تیٹ دے پہ دے ودکی مننگ ءِ۔
