بی ایل ایف نا ترجمان میجر گہرام بلوچ میڈیا ٹی شنگ کروک بیان ئسیٹی پارے کہ سرمچارک 01 جنوری نا شام پنچ بجہ غا وڈھ ئٹی وھیر نا ہند آ مش تیٹی مورچہ ہلِسہ کسر آ کاریم کروکا کمپنی نا کارندہ تا رکھنگ کن سلوک فوج ئنا لاری آ جلہو کریر، ہراٹی اسہ کارندہ ئس خلنگا و اسٹ ٹپی مس۔
ترجمان پارے کہ اسہ پین کاروائی سیٹی سرمچارک 9:30 بجہ غا وڈھ ئٹی بسم اللہ ہوٹل نا خُڑک بلوچستان آن قیمتی آ خل و معدنیات دروکو اسہ لاری ئسے جلہو ئٹی نشانہ کرسا نسخان تسُر۔
ترجمان پارے کہ 02 جنوری شام ئنا پنچ بجہ ءُ بیست منٹ ئنا خُڑک سرمچارک کولواہ نا علاقہ کڈ ئے ہوٹل نا خُڑک برجاء انگا پاکستانی فوج ئنا کیمپ ئے نشانہ کریر۔ جلہو ئٹی سرمچارک آر پی جی و ایلو بھلا سلاہ تے کارمرز کریر، ہرانا سوب آن دشمن فوج ئے جانی و مالی نسخان ہرفوئی تمانے۔
ترجمان ایسر ئٹ پارے کہ بی ایل ایف وڈھ و کولواہ ٹی کوزہ کروک فوج و معدنیات دروکا لاری آ جلہو نا ذمہ واری ئے ہرفک۔
