بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارے کہ بی ایل ایف نا سرمچارک 31 دسمبر آ شام ئنا مشکے نا علاقہ میانی قلات ئٹ کوزہ گیر پاکستانی فوج ئنا کیمپ آ مُسہ کنڈ آن جلہو کرسا بھلا سلاہ تیٹ کیمپ ئے ٹک کریر۔ سرمچار تا جلہو نا بھرم ئٹ دشمن لشکر ئے بھاز جانی و مالی نسخان مس۔
ترجمان ودیک پارے کہ ہندا دے نیم روچ نا وخت آ سرمچارک جتا ٹولی تا دروشم ئٹ مشکے نا علاقہ خالد آباد، میانی قلات و بانسر ئٹ گشت کرسا الس تون تران کریر، و الس ئے باور کرفیر کہ آجوئی نا جہد ئٹ الس ئنا مخ تفی و کمک ئٹ سرسوبی دوئی مننگ کیک۔
او پارے کہ جنوری نا یک تاریخ آ نیم روچ آ آواران نا علاقہ بزداد پمپ ئنا جہہ آ کوزہ گیر فوجی قافلہ نا سیکیورٹی کن سلوک اِرا فوجی کارندہ ئے بلوچستان لبریشن فرنٹ نا اسنائپر ٹیم ئنا سرمچارک جلہو ئٹ ٹک کریر ہرا نا بھرم ئٹ اسہ فوجی کارندہ ئس مرگ ئنا گواچی مس و اِرا گھنٹہ آن پد ہندا علاقہ ئٹ زرہ ئس مُر کنڈور نا جہہ آ سرمچارک سنگر ہلِسہ دشمن فوج ئنا شش گاڑی تیا ساڑی قافلہ ئسے نا اِرا گاڑی ئے ٹک کریر۔ جلہو نا بھرم ئٹ چھار فوجی کارندہ مرگ ئنا گواچی مسُر و مُسٹ ٹپی مس۔
او ایسر ئٹ پارے کہ بلوچستان لبریشن فرنٹ مشکے و آواران ئٹ کوزہ گیر پاکستانی فوج ئنا برخلاف مُسہ کاروائی تیٹ پنچ فوجی کارندہ مرگ ئنا گواچی کننگ نا ذمہ واری ئے ہرفِک۔
