آواران نا ہند کولواہ ٹی نادُرست سلاہ بند بندغ آک پاکستانی لشکر آ پد مہ پد اِرا جلہو کریر۔
حوال تا رد ئٹ سلاہ بند بندغ آک کولواہ نا ہند بزداد ئٹی پمپ ئنا خُڑک آ اول پاکستانی فوج ئنا قافلہ ئے سیکیورٹی تروکا کارندہ آتا جلہو کریر۔
دا جلہو آن پد سلاہ بند بندغ آک کسر آ سنگر ہلِسہ توسُر و پاکستانی لشکر آ جلہو کریر۔
جلہو ئٹی ہُرے اسکان سُم و تراک آتا توار بننگانے۔ ہندُن حوال ارے کہ جلہو ئٹی پاکستانی فوج ئے جانی نسخان رسینگانے۔
داسکان دا جلہو تا ذمہ واری ئے ہچو تنظیم ئس ہرفتنے۔
