بی ایل اے نا ترجمان جیئند بلوچ میڈیا ٹی شنگ کروک بیان ئسیٹی پارے کہ سرمچارک تجابان، پنجگور و تربت ئٹی زوراک آ پاکستانی لشکر و اونا جاسوسی نظام آ جلہو کریر۔
ترجمان پارے کہ سرمچارک 23 دسمبر آ کیچ ئنا ہند تجابان ئٹی زوراک آ پاکستانی لشکر نا چوکی ئسے ٹِک کریر۔ سرمچارک خودکار سلاہ کارمرز کرسہ پاکستانی لشکر نا سنگر آتا گرنیڈ لانچر خلکُر۔ جلہو ئٹی پاکستانی فوج ئنا اِرا کارندہ خلنگار و کیہیک ٹپی مسر۔ سرمچارک کیمپ آ خلنگ مروکا جاسوسی کیمرہ ئے ہم بھس کریر۔
ترجمان پارے کہ سرمچارک 25 دسمبر آ پنجگور نا ہند کاٹگری ٹی سی پیک کسر آ کوزہ کروک آ پاکستانی لشکر نا اسہ لاری ئسے ہمو وخت تراک ئنا شورہ تیٹ نشانہ کریر، ہراتم جتا جاگہ تیا کاروان نا سیکورٹی کن سلفنگوک آ کارندہ تے واپس کیمپ آ دننگ ئٹی اسُر۔ تراک ئٹی زوراک آ لشکر نا شش کارندہ خلنگار و چار ٹپی مسُر، ہندن اوفتا لاری ئے بھاز نسخان رسینگا۔
ترجمان پارے کہ سرمچارک 28 دسمبر آ تربت نا ہند ڈنک ئٹی زوراک آ پاکستانی لشکر نا کارمرز کروکا موبائل ٹاور ئے تراک ئنا شورہ تیٹ بھُس کریر۔ ٹاور آ خلنگ مروکا جاسوسی کیمرہ تے نشانہ کرسا بھس کریر۔
جیئند بلوچ مُسٹ انگا جلہو تا ذمہ واری تے ہرفے۔
