شال ئنا ہند قمبرانی روڈ آ نادرست بندغ ئسینا جون خننگانے۔
حوالکار نا رد ئٹ جون گونی ٹی کننگ آن پد چغل تننگانے۔ جون ئے المی کاروائی کن اسپتال آ دننگ آن پد چائنداری کن مردہ خانہ ٹی تخنگانے۔
ایلو نیمہ غا خضدار نا تحصیل وڈھ وہیر ئٹی مدرسہ نا خُڑک ورنا سینا سُم خلوک ءُ جون ئس خننگانے، تدینی نا حوال رسینگ تون پولیس ہمو جاگہ سر مرسہ جون ئے المی قانودی کاروائی کن اسپتال آ درینے۔
خلنگ مروکا ورنا نا چائنداری شکیل احمد ولد بشیر احمد ملازئی نا پن ئٹ مسنے، ہرادے خُڑک آن کیہی سُم خلنگانے۔
واہم داسکان ارٹنگا بندغ آتا خلنگ نا سوب چاننگ متنے۔
