تیبہ غا جہان ئٹی زوت رہنمائی کروک آرٹیفیشل انٹیلیجنس (اے آئی ) بلوچی زبان ئے ہم اوار کرینے ۔ اے آئی داسہ بلوچی زبان نا راہ بند آتے جْوانو وڑ ئسے ئٹ سرپند مریک و سرپند کیک۔
اے آئی بلوچ ٹیگ ئٹی بلوچی زبان ئے اوار کرینے کہ بلوچی ئٹ ہیت کیک ، سرپند مریک ءُ بلوچی ئٹ نوشتہ کیک ۔ دا ویب سائیٹ ، اینڈرائیڈ ءُ آئی او ایس (iOS) آ دُو تمک ۔ دا بلوچی ئٹ ہیت کروک آ خوانندہ تے کمک کیک تانکہ او اسہ زانتکار و پوسکنو دروشم ئسے ئٹ حال احوال ، بلوچی زبان نا سر سوج ئے کیر ۔ بلوچی (اے آئی ) سادہ غا لبز بلد آن گیشتر ءِ ۔ دا کُل سوج آتا جواب تے تیک۔
سوشل میڈیا غا دانا بارو ئٹ پارہ کہ دا ڈیجیٹل جہان ئٹی بلوچی ہم چاننگ مننگ ءِ داسہ ننا ورناک اے آئی نا کمک آن بلوچی ٹی ہم گِڑاس جوڑ کیرہ ۔
او پارہ کہ دا بیرہ زبان نا مستی دننگ نا کمک ءِ کپک بلکن جہانی پڑ آتیا بلوچ نا دود آتا چائنداری ئے ہم گیشتر کی ۔
