حب چوکی آن پاکستانی فوج ئنا دو آن زوراکی ئٹ بیگواہ کننگوک آ زالبول آتون اوار چار بندغ آتا خاہوت آک تینا بندغ آتا آجوئی کن کیچ ئنا ہند تجابان ئٹی برانز کرسا سی پیک کسر ئے بند کریر۔ برانز ئٹی زالبول و چُنا تیتون اوار بندغ آک بھلو کچ ئسیٹی بشخ ہلکنو۔
پاکستانی فوج ئنا دو آن زوراکی ئٹ بیگواہ کننگوک آ بندغ آتا چائنداری فرید اعجاز، مجاہد ولد دلوش، ہانی بلوچ بنت دلوش و خیرُالنساء بنت واحد نا پن تیٹ مسنے ہرا اسہ خاہوت نا بندغ ءُ۔
فرید اعجاز و مجاہد دلوش ئے کیچ آن برمتہ کرسا بیگواہ کرینو و خیر النساء و ہانی ئے حب چوکی آن دزگیر کننگانے۔
برانزی تا پاننگ ءِ کہ خیرالنساء نا عمر 17 سال ءِ و فرسٹ ایئر نا خوانندہ ئسے، ہرا تینا چھٹی تا وخت حب چوکی آ بسنے و ہموکان بیگواہ کننگانے۔
برانزی تا پاننگ ءِ تانکہ ننا چُناک آجو متنو نن تینا برانز ئے برجاء تِخون۔
