حب چوکی آن پاکستانی فوج ئنا ڈکھکوک ادارہ آک و سی ٹی ڈی کارندہ آک زالبول ئسے برمتہ کرسا بیگواہ کریر۔
زرمبش حوالکار نا رد ئٹ زور بیگواہ کننگوک آ زالبول نا پن حاجرہ بلوچءِ ہرا ثناء اللہ نا ذائیفہءِ و کولواہ گیشکور نا ہندی سے۔ اینو شام آ اودے سی ڈی ڈی و ڈکھکوک ادارہ آتا کارندہ آک حب چوکی نا ہند دارو ہوٹل، زہری گوٹھ آ چھاپہ خلیسہ بیگواہ کریر۔
یات مرے کہ داکان مُست 22 نومبر 2025 آ پاکستانی فوج حب چوکی دارو ہوٹل آ نسرینہ بلوچ ولد دلاور آواران نا ہندی ئے برمتہ کرسا بیگواہ کریسُر کہ داسکان بیگواہءِ۔ نسرینہ بلوچ نا زوراکی ئٹ بیگواہی نا برخلاف اونا خاہوت اینو پریس کانفرنس ہم کریسس۔
