بلوچستان نا ضلع آواران نا تحصیل جھاؤ نا مشی ہند سورگر ئٹی ہنوکا دے آپریشن کن بروکا فوجی قافلہ ئے سلاہ بند بندغ آک جلہو ئٹی نشانہ کریر۔ حوال تہ رد ئٹ ترجی نا ہند آ مروکا دا جلہو انداخس بھلُن اسک کہ جلہو آن چھار گھنٹہ آن پد ہم جنگ برجاء مس۔
ہندی حوال تہ رد ئٹ جنگ ئنا وخت پن کروک جاگہ آ شش ایمبولینس و ہیلی کاپٹر آتے بننگ آ خننگ مس، اندُن حوالءِ کہ جنگ ئٹی کیہی فوجی کارندہ خلنگ مسونے واہم سرکاری کالخواہ تہ نیمغان ہچو حوال ئس مونی بتنے۔
حوال تہ رد ئٹ جلہو آن پد پاکستانی فوج ہندی آبادی ٹی سخت خُلیس ارے۔
جلہو نا زمہ واری ئے دائسکان ہچو تنظیم ئس ہرفتنے۔
یات مرے کہ ہنوکا چھار دے آن جھاؤ ٹی پاکستانی لشکر لشکر کشی کننگءِ۔
