بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ ننا سرمچارک بولان ئٹی بی بی نانی نا ہند آ فوجی کیمپ و چاغی ٹی پولیس چوکی ئے چغلی بمب ئٹ نشانہ کریر۔
ترجمان پارے کہ بی ایل ایف نا سرمچارک 10 دسمبر نا شام ئنا 08:30 بجہ غا بولان ئٹی نانی نا ہند آ ایف سی کیمپ آ اِرا نیمہ غان پوسکن و بھلا سلاہ تیئٹ جلہو کریر۔ جلہو ئٹی آر پی جی نا کیہی گولہ کیمپ ئنا تہٹی تمار ہراڑان کیمپ ئٹی خاخر لگا، دا جلہو ئٹی کوزہ کروک لشکر ئے جانی و مالی نسخان ہرفوئی تمانے۔
اونا پاننگ اسک کہ ایلو کاروائی ٹی سرمچارک 07 دسمبر نا شام ئنا 09:30 بجہ نا خُڑک چاغی بازار ئٹی جوڑ مروک پولیس چیک پوسٹ آ چغلی بمب ئٹ جلہو کریر ہرا چوکی نا تہٹی تما ہراڑان پولیس لاری و چیک پوسٹ ئے نسخان مس۔
ترجمان بیان نا ایسر ئٹ پارے کہ بی ایل ایف بولان و چاغی ٹی مروک جلہو تا ذمہ واری ئے ہرفسا دا قول ئے پدا کیک کہ کوزہ کروک پاکستان نا پیشتمنگ اسکان ننا جہد برجاء مرو۔
