بلوچ راج دوست راہشون رحیم بلوچ ایڈوکیٹ چاگڑدی حوالکاری میڈیا ایکس آ، بندغی حق آتا جہانی دے ئنا رد ئٹ پوسٹ ئس کرسا پارے کہ کوزہ گیر پاکستان نسل کشی نا غُٹ چم آتے کارمرز کننگ ءِ ہرافتیٹی زوراکی نا بیگواہی، بیدس عدالت خون، جمہوری سیاسی و بندغی حق آتیکن کاریم تے توننگ، درشانی نا آجوئی و پرائویسی آ رکھ، چُنا نیاڑی و ورنا تے ٹک کننگ، شاری آبادی تیا بیدس جواز چھاپہ خلنگ و اوفتا خلق و تیبہ خاہوت آتا نہادی آ مڈی تے لُٹنگ اوار ءِ۔
او پارے کہ مخلوق ئے زوراکی ئٹ اوفتا خلق آتیان کشنگ و ہمپ ئہ لڈ آ بیوس کننگک۔
او ودیک پارے کہ پاکستان نا دہن آ گندہ غا ڈوہ تیان بیدس ہم، جمہوریت، بندغی حق و آزادی نا علمبردارک خن ٹھپی ئٹ پاکستان نا بدمعاش ریاست ئے وام و کمک ترسا کوزہ مروک بلوچستان نا نہادی آ قدرتی مڈی تے لُٹنگ ئٹ اوڑتون شریکداری کننگ ءُ۔
