بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے بی ایل ایف نا اسپیشل ٹولی سدو آپریشنل بٹالین (سوب) نا سرمچارک 30 نومبر نا شام ئنا تقریباً 8 بجہ ءُ 19 منٹ آ چاغی نا علاقہ نوکنڈی ٹی بریگیڈ ہیڈ کوارٹر آ جلہو کرسا کیمپ ئنا نیام ئٹی ساڑی سیندک و ریکوڈک منصوبہ تا ڈبّی نوکر تا دفتر و رہینگوک آ کمپاؤنڈ اسکان سر مننگ ئٹ سرسوب مسُر۔ سوب نا سرمچارک کمپاؤنڈ ئٹی ساڑی کیہی ڈنّی نوکر آتے قیدی کننگ ئٹ سرسوب مسُر۔
ترجمان پارے کہ پاکستانی لشکر سرمچار تا برخلاف تینا بُڑزی و ایس ایس جی کمانڈو، پوسکن انگا و بھلا سلاہ تے کارمرز کرے ولے سرمچارک لشکر نا ہر جلہو ئے بے سہب کرسا واپس کننگ کن بیوس کریر۔ ہندا وخت سرمچارک کوزہ گیر فوج ئے موقع تسُر کہ ننا خواست آتا ہیت کرسا اوفتے منیر۔
تنظیم نا دا خواست ئنا 18 گھنٹہ آن پد پاکستانی لشکر طاقت کارمرز کرسا کمپاؤنڈ ئے سدّھا توپ و بُرزی جلہو تیٹ نشانہ کننگ بِناء کرے ہرانا سوب آن کوزہ گیر فوج و سرمچار تا نیام ئٹ سخت جنگ بناء مسک ہرا سرمچار تا شہادت آن پد ایسر مس۔ سدو آپریشنل بٹالین نا دا آپریشن ئٹی ڈنّی قیدی تیتون اوار 76 فوجی کارندہ خلنگا و شش سرمچار شہید مسُر۔
ترجمان بیان ئٹی پارے کہ سدو آپریشنل بٹالین نا نوکنڈی آپریشن بلوچستان نا آجوئی و وسائل تے رکھنگ کن بی ایل ایف مُتکن آ سلاہ بند مزاحمتی حکمت عملی نا لڑ ءِ۔ دا جنگ ئٹی بلوچستان لبریشن فرنٹ نا 6 سرمچار قومی آجوئی کن تینا جان تے ندر کریر ہرافتیٹ۔
آصف عرف خالد بلوچ ولد غلام جان دِز پروم نا ہندی ہرا نوکنڈی ٹی سدو آپریشنل بٹالین نا آپریشن ئے کمان کرے۔ آصف بلوچ عرف خالد مئی 2013 ٹی بلوچستان لبریشن فرنٹ ئٹی اوار مس و 2024 ئٹی تینا حربی خزمت آتے سدو آپریشنل بٹالین”سوب” ئے گچین کرے۔آصف بلوچ عرف خالد بلوچ جنگی ہنر نا ماہر، حکمت عملی جوڑ کروک و سلاہ تے جوان کارمرز کننگ آن واخب ءُ سرمچار ئس اسک۔ کمانڈر آصف بلوچ بے مثال رہشونی نا صلاحیت تا درشانی ئے کرسا 36 گھنٹہ اسکان دشمن فوج ئنا برخلاف آپریشن ئے برجاء تخا و آخری دم اسکان تینا ٹیم ئنا رہشونی ئے کرسا بہادری ئٹ جنگ کرسا 02 دسمبر 2025 آ شہادت نا عظیم انگا ہند آ سر مس۔
عنایت ساحل عرف گہرام بلوچ ولد اسحاق سولیر گچک ئنا ہندی، ہرا نوکنڈی نا جنگ ئٹی سیکنڈ کمانڈر نا حیثیت ئٹ ذمہ وار اسک۔ عنایت ساحل بلوچ 2017 ٹی بی ایل ایف ئٹی اوار مس و 2023 ئٹی تینا راجی خدمت کن سدو آپریشنل بٹالین نا بشخ مس۔
او آپریشن نا سرسوبی ٹی سیکنڈ کمان نا وڑ تینا فوجی لائخی تا درشانی ئے کرے۔ عنایت ساحل پوسکنا سلاہ تا ماہر و اسہ جوانو نشانہ باز ئس اسک۔سیکنڈ کمان عنایت بلوچ دشمن لشکر نا برخلاف جنگ کرسا 2 دسمبر آ شہید مس۔
سرمچار زرینہ رفیق عرف ترانگ ماہو بنت ماسٹر رفیق احمد، سنگآباد کرکی تجابان نا جہی، 2022 ٹی بی ایل ایف ئٹ اوار مس و 2024 ئٹ تینا راجی خذمت آتیکن سدو آپریشنل بٹالین ئے گچین کرسا دا اہم مشن ئٹ بشخ ہلک و بی ایل ایف نا اولیکو “جند ندر” زالبول سرمچار جوڑ مس۔ سرمچار بانک زرینہ بلوچ نوکنڈی برگیڈ ہیڈ کوارٹر نا بنجائی کمپاؤنڈ نا بیریئر آ جند ندر جلہو کرسا بیریئر ئے پرغا و وطن آ ندر مس و تینا سرمچار سنگت آتیکن برگیڈ ہیڈ کوارٹر ئٹ پیہنگ نا و ریکوڈک و سیندک پراجیکٹ آتا ڈنی نوکر آتا کمپاؤنڈ اسکان سر مننگ نا کسر ئے ملا۔ سرمچار زرینہ بلوچ نا مثالی دلیری، حوصلہ و بھلا کڑد ئنا سوب آن دا آپریشن نا سرسوبی منکن مس۔
نبیل احمد عرف استاد عادل بلوچ ولد حاجی محمد اسحاق، سند سر عیسیٰ، پنجگور نا جہی، 2020 ئٹ بلوچ قومی تحریک اوار مس و 2024 ئٹ تینا جنگی خذمت آتیکن سدو آپریشنل بٹالین ئے گچین کرے۔ نبیل احمد عرف استاد عادل نوکنڈی نا جنگ ئٹ تینا دلیری و فوجی لائخی تا درشانی ئے کرے و دشمن لشکر ئے بھلو دھک خلِسہ 2 دسمبر آ شہید مس۔
میر جان میرل عرف جانان بلوچ، ولد محمد رحیم بلوچ، حسن آباد مسکانی کلات خاران نا جہی، 2024 ئٹ بی ایل ایف ئٹ اوار مس و تینا قومی و فوجی خذمت آتیکن 2025 ئٹ سدو آپریشنل بٹالین ئے گچین کرے۔ میر جان میرل عرف جانان بلوچ جیرت و دلیری ئٹ تینا سرمچار سنگت آتون نوکنڈی نا جنگ ئٹ دشمن لشکر ئے مِش چٹفسہ شہیدی نا بڑز انگا ہند آ سر مس۔
غلام جان عرف استال بلوچ ولد فیض محمد، میناز بلیدہ نا جہی، فروری 2024 ئٹ بی ایل ایف ئٹ اوار مس و اسہ خوشحال او قومی مستقبل ئسے کن 2025 ئٹ سدو آپریشنل بٹالین ئے گچین کرے۔ او سرمچار سنگت آتون اوار نوکنڈی ٹی سدو آپریشنل بٹالین نا اولیکو سرسوب مشن ئٹ بشخ ہلک و دشمن نا برخلاف دلیری ئٹ فوجی چائند و گشاد و درشانی کرسا دلیری ئٹ جنگ کرے و شہیدی نا ہند ئے دوئی مس۔
بی ایل ایف نوکنڈی برگیڈ ہیڈ کوارٹر ئٹ سیندک و ریکوڈک کون آ نوآبادیاتی استحصالی ڈٹ بندی تا ڈنی نوکر آتا دفتر و رہینگوک آ کمپاؤنڈ آتیا جلہو ئٹ شہید مروک سرمچار تے خیسنو دروت ندر کیک و دا عزم ئے بھیرو کیک کہ بلوچستان نا آجوئی نا دوئی مننگ اسکان کوزہ گیر دشمن نا برخلاف ننا کاروائیک برجاء مرور۔ نن غٹ ڈنی سرمایہ کار آتے پاننگ خواہنہ کہ بلوچستان ئٹ سرمایہ کاری نا معاہدہ آتا حق بیرہ بلوچ قوم نا ءِ و بلوچ قوم ئنا دا حق ئنا جائز کارمرز ئے کوزہ گیر ریاست آخہ بلکن بیرہ آزاد بلوچستان ہی کننگ کیک۔
