بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ ننا خاص دستہ”سدو آپریشنل بٹالین” (سوب) نا سرمچارک 30 نومبر نا شام ئنا 8:19 منٹ آ نوکنڈی ٹی کوزہ گیر پاکستانی فوج ئنا بریگیڈ ہیڈ کوارٹر آ جلہو کرسا تہٹی پیہار و کمپاؤنڈ نا نیام ئٹ سیندک و ریکوڈک نا خُتنگ نا کوزہ گیری نا منصوبہ تا غیر ملکی انجینئر تا دفتر و رہینگوک آ کمپاؤنڈ تا کوزہ کریر۔
ترجمان پارے کہ ننا خاص دستہ 36 گھنٹہ اسکان کوزہ گیر دشمن نا فوج ئتون دلیری و فوجی مہارت ئٹ جنگ کرسا سیندک و ریکوڈک منصوبہ تا کیہی غیر ملکی انجینئر تے قیدی کریر۔
میجر گہرام مُستی پارے کہ سوب نا سرمچارک تینا مقرر کروکا ہدف تے ہلنگ ئٹ سرسوب مسُر و 36 گھنٹہ اسکان بریگیڈ ہیڈ کوارٹر آ کنٹرول برجاء تخیسا کوزہ گیر فوج ئے سخت نسخان تا گواچی کریر، ہدف تے ہلنگ آن پد آپریشن ایسر مسُنے۔ بی ایل ایف دا خاص آپریشن ئے سرسوب کروکا سدو آپریشنل بٹالین نا کُل شہید آتے سلام و خراج عقیدت ندر کیک۔
شابیتی بیان زوت شنگ کننگ مرو۔
