بلوچستان نا شار حب ئٹی اِرا جتا او تدینی ٹی اسہ بندغ ئسے نا جون دو تمانے، و اسہ اُرائی جیڑہ سیٹی زالبول ئس خلنگانے۔
حوال آتا رد ئٹ حب ئنا علاقہ جام کالونی، مشکے برڑہ ہیتہ بازار نا خڑک اسہ بندغ ئسینا جون دو تمانے۔ خلنگ مروک بندغ نا چائنداری ادھیڑ ولد عمر نا پن ئٹ مسُنے۔ بنائی رپورٹ آتیٹی پاننگانے نادرست بندغ آک اوڑا زوراکی کننگ آن گڈ اودے خلکنو۔
ایلو تدینی ٹی اُرائی جیڑہ ئسیٹی ارِغ زائفہ ئے سُم کاری کرِسہ خلکنے۔ واہم خلنگ مروک زالبول نا چائنداری داسکا متنے۔
