بلوچ یکجہتی کمیٹی نا رہشون ڈاکٹر ماہ رنگ بلوچ تینا شنگ کروک بیان ئسیٹی پارے کہ پانزدہ سالی آ نسرینہ بلوچ نا پاکستانی فوج ئنا دو آن زوراکی ئٹ بیگواہی بلوچستان ئٹی برجاء انگا ظلم، بربریت و نسل کشی نا مون ئے پاش کیک۔
اونا پاننگ ءِ کہ آواران نا ہندی نسرینہ بلوچ حب ئٹی زندگی کننگ اسک ہرادے 22 نومبر 2025 نا نن ئنا 12 بجہ غا اُراغا چھاپہ خلِسہ پاکستانی فوج دزگیر کرسا نادُرست جاگہ ئس درینے اوکان پد اونا بابت ئٹ ہچو حوال ئس اف۔
ڈاکٹر ماہ رنگ بلوچ مُستی پارے کہ شش تو مُست کوئٹہ شار آن پولیو نا گواچی مروکا خوانندہ ماہ جبین بلوچ ئے پاکستانی فوج سی ٹی ڈی و ڈھکوک ادارہ تا کارندہ آک ہاسٹل آن زوراکی ئٹ بیگواہ کریسُر۔
او پارے کہ پاکستانی فوج بیدس فرق آن بلوچستان ئٹی ہڑدے ئی بنیات آ بندغی نا برخلاف جرم کننگ ءِ و دا کُل بلوچ نسل کشی نا بشخ ءُ۔
