بلوچ نیشنل موومنٹ نا بندغی حق آتا ادارہ پانک ئنا رِد ئٹ 22 نومبر 2025 نا نن 12:00 بجہ آ پاکستانی لشکر و پاکستانی انٹیلیجنس نا کارندہ آک حب چوکی ٹی اسہ اُراسے آ چھاپہ خلسہ دلاور بلوچ نا 15 سالی آ مسڑ نسرینہ بلوچ تیرتیج آواران نا جہی ئے زوراکی ئٹ دزگیر کننگ آن پد آ بیگواہ کرینو۔
پانک دا تدینی ئے بندغی حق آتا سخت خلاف ورزی پارِسہ پارے کہ دا وڑ انگا تدینی بلوچ علاقہ تیٹی ریاستی مظالم و زوراکی ئٹ بیگواہی نا چرجوئی ءِ۔
پانک پارے کہ زوراکی ئٹ بیگواہی بیرہ زیمی مروک آ خاہوت کن اف بلکن تیوہ اُلس ئکن اسہ خولیس نا گواچی کروکو جیڑہ ئسے ، ہرانا ایسری کن زوت و تُرند او گام ہرفنگ مرے۔
